ჩელსი კონფერენს ლიგაზე უდანაკარგო სვლას აგრძელებს

უეფას კონფერენს ლიგის მე-4 ტურში ჩელსიმ სტუმრად გერმანული ჰაიდენჰაიმი დაამარცხა.

შეხვედრა ენცო მარესკას გუნდის გამარჯვებით 2:0 დასრულდა.

პირველი ტაიმის უგოლო ფრედ დასრულების შემდეგ, ანგარიში 51-ე წუთზე კრისტოფერ ნკუნკუმ გახსნა, მატჩის მიწურულს, 86-ე წუთზე კი მიშა მუდრიკმა ჯეიდონ სანჩოს პასით საბოლოო ანგარიში დააფიქსირა.

ჩელსი კონფერენს ლიგაზე იდეალურ სვლას აგრძელებს - 4 მატჩში გუნდმა 12 ქულა დააგროვა და 18 გატანილი ბურთით ცხრილში პირველ ადგილსაც იკავებს.