ჩელსიმ ლონდონურ დერბიში დამაჯერებლად იმარჯვა

პრემიერ ლიგის მე-5 ტურში ჩელსიმ სტუმრად ლონდონურ დერბიში ვესტ ჰემი დაამარცხა.

შეხვედრა ლონდონ სტედიუმზე გაიმართა და ენცო მარესკას გუნდის გამარჯვებით, 3:0 დასრულდა.

დუბლი შეხვედრაში ნიკოლას ჯექსონმა შეასრულა, მე-4 და მე-18 წუთზე გატანილი გოლებით.

47-ე წუთზე ჯექსონმა საგოლე პასიც მიითვალა, გოლი კი ამჯერად კოულ პალმერმა შეაგდო.

ამ გამარჯვებით ჩელსიმ ზედიზედ მეორე მატჩი მოიგო, 5 ტურის შემდეგ 10 ქულა დააგროვა და მინიმუმ სხვების მატჩამდე მე-2 ადგილზე გადაინაცვლა.