ჩელსის დომინაცია - პრემიერ ლიგაში თვის საუკეთესოები გამოვლინდნენ

ინგლისის პრემიერ ლიგაში სექტემბრის თვის საუკეთესო მოთამაშე და მწვრთნელი დასახელდნენ.

ორივე ჯილდო ჩელსის წარმომადგენლებმა, კოულ პალმერმა და ენცო მარესკამ მოიპოვეს.

ჩელსიმ სექტემბერში პრემიერ ლიგის ეგიდით 5 მატჩი ჩაატარა, საიდანაც 3 მოიგო და 2 ფრედ ითამაშა.

ლონდონელებმა ბორნმუთი, ვესტ ჰემი და ბრაიტონი დაამარცხეს, კრისტალ პალასთან და ნოტინგემთან კი 1-1 ითამაშეს.

კოულ პალმერმა კი ამ მატჩებში 5 გოლი და 2 საგოლე გადაცემა მიითვალა. ახალგაზრდა ინგლისელმა ბრაიტონთან პოკერი შეასრულა, ვესტ ჰემს კი 1 გოლი გაუტანა, საგოლე გადაცემები კი პალმერმა კრისტალ პალასთან და ნოტინგემთან ჩაიწერა აქტივში.

მარესკას გუნდი 7 ტურის შემდეგ 14 ქულით მე-4 ადგილზეა და ლიდერ ლივერპულს 4 ქულით ჩამორჩება.