ჩემპიონთა ლიგიდან სამი გუნდი უკვე ოფიციალურად გავარდა

ჩემპიონთა ლიგიდან 36-დან 3 გუნდი უკვე გავარდა.

მე-6 ტურის შემდეგ ოფიციალურად დადასტურდა, რომ 24 საუკეთესოში მოხვედრას ვერ მოახერხებენ იანგ ბოიზი, სლოვან ბრატისლავა და ლაიფციგი.

სამივე ამ გუნდს ექვსი მატჩის შემდეგ 0 ქულა აქვს, ამჟამად პლეიოფში გამყვან ბოლო, 24-ე ადგილზე მყოფ დინამო ზაგრებს კი 8 ქულა აქვს, რაც იმას ნიშნავს, რომ დარჩენილ ორ მატჩში ეს გუნდები საკმარის ქულას მათემატიკურადაც ვეღარ დააგროვებენ.

გავარდნის პირას არის ბოლონიაც, რომელსაც 2 ქულა აქვს, თუმცა მათემატიკურად გუნდი 24-ე ადგილზე გასვლის შანსს ჯერჯერობით ინარჩუნებს.

შეგახსენებთ, რომ 1-8 ადგილზე გასული გუნდები პირდაპირ მერვედფინალში გადიან, 9-24 პოზიციებზე გასული გუნდები კი ერთმანეთში მერვედფინალის საგზურს გაითამაშებენ.