დეკუ პედრის, გავის, არაუხოსა და დე იონგის კონტრაქტებზე

ბარსელონას სპორტულმა დირექტორმა, დეკუმ კლუბის მოთამაშეების კონტრაქტებზე ისაუბრა.

"პედრის კონტრაქტი განახლდება, რადგან მას უნდა, რომ ბარსაში წარმატებას მიაღწიოს. მას აქ ისტორიის შექმნა სურს. ჩვენ ფოკუსირებული ვართ, რომ ამ სეზონში მნიშვნელოვანი ტიტულები მოვიგოთ, თუმცა ასევე მომავლის მნიშვნელოვანი მოთამაშეები გარანტირებულად დავიბევოთ, პედრი კი ერთ-ერთი მათგანია.

დარწმუნებული ვარ, გავი ბარსასთან ახალ კონტრაქტს გააფორმებს. ის განსაკუთრებული მოთამაშეა. გავი მხოლოდ 20 წლისაა, მაგრამ ისე ჩანს, თითქოს ის 26 ან 27 წლისაა. როცა მოთამაშეს დარჩენა უნდა, ეს ასე მოხდება.

ვფიქრობ, არაუხოს ჩვენი პროექტის ნაწილად ყოფნა სურს. ჩვენ ამაზე ვმუშაობთ, მაგრამ მნიშვნელოვანია, რომ მოთამაშეების აზრები ჩვენთან თანხვედრაში იყოს. ჩვენ ვიცით, რა გვინდა, მაგრამ ბოლო სიტყვა ყოველთვის მოთამაშეებზეა.

დე იონგთან ნორმალური პროცესი მიმდინარეობს. ის ტოპ ხარისხის მოთამაშეა. კონტრაქტებზე ჩვენი შეზღუდვების გათვალისწინებით ვმუშაობთ. ამას სიჩუმეში გავაგრძელებთ, ჩემი გეგმა ასეთია". - განაცხადა პორტუგალიელმა Mundo Deportivo-სთან საუბარში.