დროგბა: "ანრი ოქროს ბურთს 10-ჯერ მაინც იმსახურებდა"

დიდიე დროგბას თქმით, ტიერი ანრი ოქროს ბურთს იმსახურებდა.

- დაასახელეთ ფეხბურთელი, რომელიც თქვენი აზრით ოქროს ბურთს იმსახურებდა, მაგრამ საბოლოოდ ვერ მიიღო.

ტიერი ანრი. ის ამ ჯილდოს ალბათ 10-ჯერ იმსახურებდა, იმიტომ რომ მხოლოდ პრემიერ ლიგაში კი არა, ნაკრებშიც საოცარი იყო.

ჩემპიონთა ლიგაზეც დიდებულად თამაშობდა, გოლებს იტანდა და მატჩებს მარტო იგებდა. ის ხომ ტიერი ანრია. არ ვიცი, კიდევ რა უნდა დავამატო." - აღნიშნა კოტდიუვარელმა.

2003 წლის ოქროს ბურთის ნომინაციაში ტიერი ანრიმ მე-2 ადგილი დაიკავა და ლიდერობა პაველ ნედვედს დაუთმო. 2006-ში ანრი სამეულში ისევ მოხვდა, თუმცა ამჯერად მესამე ადგილს დასჯერდა, როცა პრიზი ფაბიო კანავარომ მიიღო.