-
Aa
+
ფონტის ზომა
ევრო 2024-ზე F ჯგუფის მორიგი მატჩი გაიმართა, სადაც ერთმანეთს თურქეთისა და პორტუგალიის ნაკრებები დაუპირისპირდნენ.
შეხვედრა პორტუგალიელთა გამარჯვებით 0-3 დასრულდა.
ანგარიში 21-ე წუთზე ბერნარდუ სილვამ გახსნა, აქედან 7 წუთში კი თურქ მოთამაშეებს შორის გაუგებრობა მოხდა. სამეთ აქაიდინმა და ალთაი ბაინდირმა ერთმანეთს ვერ გაუგეს, რაც ბაინდირის საკუთარ კარში გატანილი გოლით დასრულდა.
მატჩს წერტილი 56-ე წუთზე ბრუნო ფერნანდეშმა დაუსვა. საგოლე გადაცემა კრიშტიანუ რონალდუმ მიითვალა.
პორტუგალიამ ამ გამარჯვებით 6 ქულა დააგროვა და პლეიოფში გასვლა გაინაღდა, ბოლო ტურში კი საქართველოს ნაკრებს დაუპირისპირდება.
თურქებს ორი ტურის შემდეგ 3 ქულა რჩებათ, ჩეხებსა და ქართველებს კი თითო ქულა აქვთ.
თ
თაზო ჩარკვიანი
