სიახლეები
სეტანტა
სპორტის გურუ
ქვიზები
8 სთ წინ · 0 წთ წასაკითხად
-
Aa
+
ფონტის ზომა
იტალიური TUTTOmercatoWEB-ის ინფორმაციის მიხედვით, ბოლონია სარაევოს 2001 წელს დაბადებული ვინგერის, გიორგი გულიაშვილის მიმართ ინტერესს იჩენს. ეს ინტერესი კი სერიოზულ შეთავაზებაში შესაძლოა მომდევნო კვირებში გადაიზარდოს.
გულიაშვილს სარაევოსთან კონტრაქტი 2026 წლამდე აკავშირებს და ერთ-ერთ იმედისმომცემ ახალგაზრდა მოთამაშედ მიიჩნევა. მას საქართველოს ასაკობრივ ნაკრებებში აქვს ნათამაშები და ოქტომბრის შეკრებაზე ვილი სანიოლმაც გამოიძახა პირველად.
ბოსნიის ჩემპიონატის მიმდინარე სეზონში მან 9 თამაშში 9 გოლი გაიტანა და ერთი გოლით ევროტურნირის საკვალიფიკაციო ეტაპზეც გამოიჩინა თავი. მისმა ბრწყინვალე პერფორმანსებმა ევროპაში ბევრი კლუბის ყურადღება მიიპყრო.
ახალგაზრდა მოთამაშე უკვე არის რამდენიმე კლუბის რადარზე იტალიაში. სატრანსფერო ფანჯრის გაღებასთან ერთად კი გულიაშვილისადმი ინტერესი მოიმატებს და მისი სახელი შესაძლოა მთავარი თემა იყოს მოლაპარაკებებში. თუ ტრანსფერი შედგება, ეს რამდენიმე მილიონის ოდენობის გარიგება იქნება.
გოგლიჩიძეზე დასაკვირვებლად - იტალიური კლუბის დირექტორი ემპოლი-ნაპოლის დაესწრო
თ
თაზო ჩარკვიანი
კომენტარები