იბერია საქართველოს ჩემპიონია

საქართველოს ჩემპიონატის 35-ე ტურში იბერია 1999 გაგრას დაუპირისპირდა. გამარჯვების შემთხვევაში თბილისური გუნდი ჩემპიონობას მოიპოვებდა.

შეხვედრაში გაგრა დაწინაურდა. მე-15 წუთზე გოლი ზურაბ ჭავჭანიძემ გაიტანა და პირველი ტაიმი 1-0 დასრულდა.

მეორე ტაიმში კი იბერიელებმა თამაშის მოტრიალება შეძლეს. 50-ე წუთზე გიზი მამაგეიშვილმა ანგარიში გაათანაბრა. 84-ე წუთზე კი შეიკნე სილამ გადამწყვეტი გოლი გაიტანა და იბერიას საჩემპიონო 3 ქულა მოუპოვა.

35 მატჩის შემდეგ ლევან კორღალიძის გუნდმა 74 ქულა დააგროვა და საქართველოს ჩემპიონი ისტორიაში მეორედ გახდა.

პირველად გუნდმა (საბურთალო) ჩემპიონობა 2018 წელს შეძლო.