ინტერ მაიამის მფლობელი: "მესის კონტრაქტი? ველი, რომ 2026-ში ის ჩვენს ახალ სტადიონზე ითამაშებს"

ინტერ მაიამი იმედოვნებს, რომ ლეო მესი კლუბში მოქმედი კონტრაქტის ამოწურვის შემდეგაც დარჩება.

არგენტინელ ფეხბურთელს ფლორიდულ კლუბთან ხელშეკრულება 2025 წლის ბოლომდე აკავშირებს.

თუმცა, კლუბის ერთ-ერთი მფლობელის, ხორხე მასის თქმით, მესი გუნდში ამ ვადის გასვლის შემდეგაც ითამაშებს.

„ველოდები, რომ მესი 2026-ში, ჩვენს ახალ სტადიონზე ითამაშებს." - აღნიშნა მასმა დღევანდელ ინტერვიუში.