ინტერის ფანებს არ მოეწონებათ - შკრინიარი იუვენტუსს შეუთანხმდა

ფრანგული გამოცემა Footmercato-ს ინფორმაციით, პსჟ-ს სლოვაკი მცველი მილან შკრინიარი იუვენტუსს პირად კონტრაქტზე შეუთანხმდა.

ამ ეტაპზე პსჟ და იუვენტუსი ფეხბურთელის ტრანსფერის თანხაზე აწარმოებენ მოლაპარაკებებს.

ტრანსფერის ალბათობას ის ზრდის, რომ შკრინიარი პსჟ-ში ლუის ენრიკეს გეგმებში არ შედის და მიმდინარე სეზონში სათამაშო დროს პრაქტიკულად არ იღებს.

შკრინიარის იუვენტუსში გადასვლა არ მოეწონებათ ინტერის ქომაგებს, სადაც შკრინიარს ექვსი წელი (2017-2023) აქვს გატარებული.

ცნობისთვის, პსჟ-ში შკრინიარი 2023-ს ზაფხულში სრულიად უფასოდ, ინტერთან კონტრაქტის ამოწურვის შემდეგ გადავიდა.