2 დღის წინ · 0 წთ წასაკითხად
-
Aa
+
ფონტის ზომა
ლუკა მოდრიჩმა მადრიდის რეალის მაისურით ისტორიული მატჩი ჩაატარა.
სელტა ვიგოსთან გასვლით მატჩში ხორვატი ვეტერანი მოედანზე 63-ე წუთზე გამოჩნდა და თამამად შეიძლება ითქვას, რომ რეალის ისტორია გადაწერა.
საქმე კი ის არის, რომ ლუკა მოდრიჩი დღევანდელ მატჩში მონაწილეობით გახდა რეალის ისტორიაში ყველაზე ასაკოვანი ფეხბურთელი, რომელმაც ოფიციალურ მატჩში მიიღო მონაწილეობა - 39 წლის და 40 დღის ასაკში.
აქამდე ეს მიღწევა ლეგენდარულ ფერენც პუშკაშს ეკუთვნოდა, რომელმაც 1966-ში თავისი ბოლო მატჩი რეალის მაისურით 39 წლის და 36 დღის ასაკში ჩაატარა.
თამამად შეგვიძლია იმის თქმა, რომ ამიერიდან მინიმუმ ამ სეზონის ბოლომდე, სადამდეც ლუკას რეალთან კონტრაქტი აკავშირებს, მისი ყოველი მოედანზე გამოსვლა - თავისივე რეკორდის გადაწერა იქნება.
განსაკუთრებით და ცალკე აღნიშვნის ღირსია ის ფაქტიც, რომ მოედანზე გამოსვლიდან ზუსტად სამ წუთში, 2018 წლის ოქროს ბურთის მფლობელმა გენიალური საგოლე პასით ვინისიუს ჯუნიორს მატჩში გამარჯვების გოლი გაატანინა.
ნ
ნიკა შაქარაშვილი
კომენტარები