სიახლეები
სეტანტა
სპორტის გურუ
ქვიზები
-
Aa
+
ფონტის ზომა
იუვენტუსში პოლ პოგბას დისკვალიფიკაციის შემცირების შემდგომი პირველი ინტერვიუთი გაკვირვებულები არიან.
გუშინდელ ინტერვიუში ფრანგმა ფეხბურთელმა იუვენტუსში დარჩენის სურვილი გამოთქვა და აღნიშნა, რომ მზადაა, ამისათვის ხელფასიც კი დაიკლოს.
"მე საკუთარ თავს წარმოვაჩენ, დასკვნები კი ტიაგო მოტამ უნდა გამოიტანოს." - აღნიშნა ფრანგმა.
Tuttosport-ის ინფორმაციით, პოგბას ეს ინტერვიუ იუვენტუსთან შეთანხმებული არ ყოფილა. ის კი არა, ტურინულ კლუბში ფეხბურთელის მიერ ნათქვამი სიტყვებით გაკვირვებულებიც კი დარჩნენ.
ჯერჯერობით, პოგბას კლუბისგან დისკვალიფიკაციის ამოწურვის შემდეგ გუნდში დაბრუნების ნებართვა არ მიუღია. იუვე ფეხბურთელს თავისი სამომავლო პროექტის ნაწილად არ მოიაზრებს, ამიტომ გუნდში მისი დარჩენა პრაქტიკულად შეუძლებელია - ამბობს წყარო.
იუვენტუსთან პოგბას კონტრაქტი 2026 წლის ზაფხულამდეა გათვალისწინებული, თუმცა კლუბს მისი ნაადრევად შეწყვეტა სურს.
ნ
ნიკა შაქარაშვილი
კომენტარები