კასანო: "რონალდუ საუკეთესო ათეულში არ შევიყვანე და თავისი მიღწევების ჩამონათვალი მომწერა"

ანტონიო კასანომ აღიარა, რომ კრიშტიანუ რონალდუმ ბრაზიანი შეტყობინება გაუგზავნა.

„მე ვთქვი, რომ ჩემთვის ნომერ პირველი არის რონალდო, ბრაზილიელი. კრიშტიანუ კი ჩემი ვერსიით საუკეთესო ფეხბურთელების ხუთეულში და ათეულშიც კი არ შევიყვანე, იმიტომ, რომ ჩემი ხედვით, ფეხბურთელის თვისებები სხვა რამეში მდგომარეობს.

საქმე დავამთევრე და მივიღე შეტყობინება, ნომრის კოდი +34 იყო, რაც ესპანეთია. იქ იყო სია ყველა ტიტულის, გოლებისა და რონალდუს სრული სტატისტიკა. შემდეგ, მან ხმოვანიც გამომიგზავნა: "შენ ჩემს მიმართ უპატივცემლობა გამოიჩინე, ასე აღარ მოიქცე. შენ მხოლოდ 150 გოლი გაიტანე და ოთხი ტიტული მოიგე", მაგარია.

მე ასე ვუპასუხე: "ძვირფასო კრიშტიანუ, მომისმინე. შენ ფიქრობ, რომ მე შენს მიმართ უპატივცემლობა გამოვიჩინე, მაგრამ მე შენ უბრალოდ როგორც ფეხბურთელი არ მომწონხარ, რაშია პრობლემა?" 

წარმოიდგინეთ, მან შეტყობინების გამოგზავნაც კი იკადრა." - აღნიშნა რომას, მილანის, ინტერის და სხვა კლუბების ფეხბურთელმა.