ხერარდო მარტინო მესის აღარ გაწვრთნის

ახალი სეზონიდან ინტერ მაიამის ხერარდო მარტინო აღარ გაწვრთნის.

არგენტინელმა სპეციალისტმა ფლორიდული კლუბის დატოვება თავად გადაწყვიტა.

უახლოეს პერიოდში, კლუბი მწვრთნელის წასვლას ოფიციალურად დაადასტურებს და ახალი სპეციალისტის ძიებას შეუდგება.

ტატა მარტინო ინტერ მაიამის 2023 წლის 10 ივლისიდან წვრთნიდა და 67 მატჩში 35 გამარჯვება მოიპოვა, 16-ჯერ ფრე ითამაშა და 16-ჯერ დამარცხდა.