კვარაცხელია და პსჟ დროის ამბავია!

ფრანგული RMC Sport-ის ჟურნალისტი, ფაბრის ჰოუკინსი ხვიჩა კვარაცხელიას ტრანსფერთან დაკავშირებით ახალ ინფორმაციას ავრცელებს.

წყაროს ცნობით, ქართველის პსჟ-ში გადასვლა დროის ამბავია. დღეს ნაპოლისა და პარი სენ-ჟერმენის წარმომადგენელთა შორის მოლაპარაკებები გაიმართა და საქმე წინ წავიდა.

ტრანსფერის ღირებულება 70 მილიონ ევროს + ბონუსები იქნება, კვარაცხელია კი კონტრაქტს 2029 წლამდე გააფორმებს.

შესათანხმებელი საბოლოო დეტალები დარჩა, რაც გადახდის პირობებს ეხება. თუ ნაპოლი დაეთანხმება პსჟ-ს მხრიდან თანხის გადარიცხვის განაწილებას, ეს პარიზულ კლუბს სატრანსფერო ფანჯარაზე აქტიურობის საშუალებას კვლავ მისცემს.

კლუბებს შორის პოზიტიურ საუბარს იტალიელი სპორტული ჟურნალისტი, ფაბრიციო რომანოც ადასტურებს.