კვარაცხელიასა და გოგლიჩიძის სატრანსფერო ღირებულებები გაიზარდა

სტატისტიკურმა ვებ-გვერდმა Transfermarkt-მა ფეხბურთელების სატრანსფერო ღირებულებების მორიგი განახლება შემოგვთავაზა. შეიცვალა ხვიჩა კვარაცხელიას მაჩვენებელი და ის 80 მილიონიდან 85 მილიონ ევრომდე გაიზარდა.

ამ მონაცემით ქართველი შემტევი იტალიის სერია ა-ს ყველაზე ძვირადღირებული მოთამაშეების სიაში მე-2 ადგილზეა, მას მხოლოდ ლაუტარო მარტინესი უსწრებს.

1. ლაუტარო მარტინესი (ინტერი) - 100 მლნ. ევრო

2. ხვიჩა კვარაცხელია (ნაპოლი) - 80 მლნ. ევრო

3. ნიკოლო ბარელა (ინტერი) - 75 მლნ. ევრო

5 მილიონიდან 8 მილიონ ევრომდე გაიზარდა საბა გოგლიჩიძის ღირებულებაც და ის ჯაკოპო ფაცინისთან ერთად ემპოლის ყველაზე ძვირადღირებული მოთამაშე გახდა.

5 ყველაზე ძვირადღირებული ქართველი მოთამაშის სია ასე გამოიყურება:

1. ხვიჩა კვარაცხელია (ნაპოლი) - 85 მლნ. ევრო

2. გიორგი მამარდაშვილი (ვალენსია) - 45 მლნ. ევრო

3. გიორგი მიქაუტაძე (ლიონი) - 18 მლნ. ევრო

4. ზურიკო დავითაშვილი (სენტ-ეტიენი) - 8 მლნ. ევრო

5. საბა გოგლიჩიძე (ემპოლი) - 8 მლნ. ევრო