Copyright © 2023 Adjarabet Arena. All Rights Reserved.
-
Aa
+
ფონტის ზომა
გიორგი მამარდაშვილმა ვალენსიას ამჟამინდელ სიტუაციაზე კლუბის ოფიციალურ მედიასთან ისაუბრა.
"ჩვენ კარგად ვმუშაობთ. ვიფქრობ, მოგება გვჭირდება და შემდეგი თამაში მესტალიაზე ჩვენთვის ძალიან მნიშვნელოვანია.
რა თქმა უნდა, ატლეტიკოსთან მატჩი ძალიან რთული იყო. მეტროპოლიტანოზე თამაში ძალიან ძნელია. ახლა მნიშვნელოვანია, რომ ჟირონასა და ოსასუნასთან ქულები მოვიპოვოთ. ამ სიტუაციას უნდა დავუბრუნდეთ. მჯერა, რომ მოვიგებთ.
საჭიროა, რომ დინამიკა შევცვალოთ, რადგან პირველი 5 თამაში ძალიან რთული იყო.
ჟირონასთან მნიშვნელოვანი მატჩია. ხალხის მხარდაჭერა გვჭირდება. მესტალია განსხვავებული სტადიონია და ჩვენ ყოველთვის უკეთ ვთამაშობთ აქ. ჩვენთვის უფრო რთული გასვლაზე თამაშია.
ბარსასთან ვერ მოვიგეთ, მაგრამ ძალიან კარგად ვითამაშეთ, ასევე ვილიარეალთან, ასე უნდა გავაგრძელოთ და ქულები მოვიპოვოთ. ხალხის მხარდაჭერა გვჭირდება, რომ ამ სიტუაციიდან გამოვიდეთ.
ვალენსიამ, როგორც ქალაქმა და კლუბმა ჩემი ცხოვრება შეცვალა. მინდა, რომ ამ წელს ყველაფერი გავიღო. ვალენსია ჩემთვის მნიშვნელოვანი. ეს წლებია საოცარი იყო და მხოლოდ მადლიერების გამოხატვა შემიძლია.
გასული სეზონი ჩემთვის საუკეთესო იყო. მუშაობა უნდა გავაგრძელო და შედეგებიც მოვა. ძალიან კარგი სეზონი მქონდა, რაც მძიმე შრომამ მოიტანა. ასე მუშაობა უნდა გავაგრძელო, რადგან ყველაფერი წინაა.
როცა საქართველოში ვიყავი, ჩემი ოცნება საუკეთესოთა შორის მოხვედრა იყო. ძალიან მიხარია, რომ იაშინის ჯილდოზე ვარ ნომინირებული. ეს ამბავი მაშინ გავიგე, როცა ეროვნულ გუნდში ვიყავი და ჩემი რეაქცია ასეთი იყო: "ღმერთო ჩემო".
მამა ვხდები და ეს ძალიან დიდი ამბავია, როცა ჩემი ოჯახი მშვიდადაა, მეც მშვიდად ვარ, რაც თამაშზე კონცენტრირებაში მეხმარება." - განაცხადა საქართველოს ნაკრების მეკარემ.
ვალენსია ლა ლიგის შემდეგ შეხვედრაში მესტალიაზე ჟირონას უმასპინძლებს. მატჩი 21 სექტემბერს 20:30 საათზე გაიმართება.
თ
თაზო ჩარკვიანი
კომენტარები
მილანის ლეგენდები თბილისში არიან
ფეხბურთი
თამაშგარეთ - რომან დოლიძე
ქართული
ნიცამ სენტ-ეტიენი გაანადგურა
ფეხბურთი
დინამო თბილისი თასის 1/2 ფინალშია
ფეხბურთი