მამუკელაშვილი: "მე ხალხის გვერდით ვდგავარ"

სანდრო მამუკელაშვილი სოციალურ ქსელში საქართველოში მიმდინარე მოვლენებს გამოეხმაურა.

"ძალიან ვწუხვარ ჩემს მშობლიურ ქალაქ თბილისში არსებული რეალობის გამო, სადაც პოლიცია სასტიკად ძალადობს და აკავებს ხალხს, რომელიც აპროტესტებს მთავრობის გადაწყვეტილებას, ევროკავშირთან მოლაპარაკების შეწყვეტის შესახებ.

საშინელებაა ამ ყველაფრის ყურება. მე ვდგავარ იმ ხალხის გვერდით, რომელიც აპროტესტებს სპეცრაზმელების ძალადობას.

იმედია, მალე ვიპოვით მშვიდობას და საქართველო იპოვის თავის გზას!" - წერს ქართველი კალათბურთელი სოციალურ ქსელში.