მბაპე: "რომ არა რეალი, პსჟ-ში მთელი ცხოვრება დავრჩებოდი"

კილიან მბაპემ პსჟ-დან მადრიდის რეალში გადასვლაზე ისაუბრა.

„მსოფლიოს უდიდეს კლუბში გადმოვედი. სულ ვიმეორებდი, რომ რეალია ერთადერთი კლუბი, რომლის გამოც პსჟ-დან წავიდოდი.

რეალში გადასვლის შანსი რომ არ მომცემოდა, პსჟ-ში მთელი ცხოვრება დავრჩებოდი. აქ თამაშზე ვოცნებობდი და ახლა ძალიან ბედნიერი ვარ." - ციტირებს მბაპეს სიტყვებს Marca.

შეგახსენებთ, რომ ფრანგი ვარსკვლავი რეალში გასულ ზაფხულს პსჟ-დან, თავისუფალი აგენტის სტატუსით გადავიდა.