მბაპე: "თუ ჩემმა თამაშმა ზიზუ გააღიმა, მაშინ მსოფლიოში ყველაზე ბედნიერი ბავშვი ვარ"

კილიან მბაპე ბედნიერია, რომ სიტისთან მატჩში ზინედინ ზიდანს მოაწონა თავი.

რეალმა სიტის მბაპეს ჰეთ-ტრიკით 3:1 მოუგო და ლიგის 1/8 ფინალში გავიდა. თამაშს სანტიაგო ბერნაბეუზე სამეფო კლუბის ექს-თავკაცი, ზინედინ ზიდანი დაესწრო.

„თუ ჩემმა თამაშმა ზიზუ გააღიმა, მაშინ მე მსოფლიოში ყველაზე ბედნიერი ბავშვი ვარ.

ზიზუ ჩემთვის კუმირია. ისევე, როგორც ფრანგისთვის, ახლა უკვე როგორც რეალის ფეხბურთელისთვისაც. ზიდანი ჩვენთვის, ფრანგებისთვის ძალიან ბევრ რამეს განასახიერებს." - აღნიშნა მბაპემ.