მტკივნეული მარცხი პირდაპირ კონკურენტთან - ზურიკოს სენტ'ეტიენი რენთან განადგურდა

საფრანგეთის ლიგა 1-ს მე-13 ტურში ზურიკო დავითაშვილი სენტ'ეტიენი სტუმრად რენთან განადგურდა.

მატჩი სტადიონ როაჟონ პარკზე გაიმართა და მასპინძელთა გამარჯვებით 5:0 დასრულდა.

ზურიკომ მოედანზე 67 წუთი გაატარა და გამოცემა SofaScore-სგან 5.9 შეფასება მიიღო.

ქართველი ბურთს სულ 17-ჯერ შეეხო, 9-დან 9 ზუსტი პასი შეასრულა, თუმცა კარში არ დაურტყამს და 4 დრიბლინგის მცდელობიდან არცერთი წარმატებით არ გამოუვიდა.

13 ტურის შენდეგ სენტ'ეტიენს 13 ქულა აქვს და მე-14 პოზიციას იკავებს, თუმცა გასავარდნ ზონამდე მხოლოდ 2 ქულა აშორებს, რენმა კი 14 ქულა დააგროვა და მე-12 ადგილზე გადაინაცვლა.