ნაჩო: "რეალიდან რომც დამირეკონ, არ დავბრუნდები"

ნაჩო ფერნანდესმა, რომელმაც მადრიდის რეალი გასულ ზაფხულს დატოვა, გუნდში დაბრუნება გამორიცხა.

მადრიდელებს დაცვის ხაზში სერიოზული პრობლემები აქვთ და იანვრისთვის გაძლიერების ვარიანტებს ეძებენ.

„ჩემთვის რეალიდან არავის დაურეკავს, მაგრამ რომც დაერეკათ, არ დავბრუნდებოდი.

ყველაფრით ვამაყობ, რასაც რეალში მივაღწიე, მაგრამ კარიერის ის ეტაპი დასრულებულია. ახლა საუდის არაბეთში ვარ ბედნიერი და აქაურობაზე ვკონცენტრირდები." - აღნიშნა ევრო 2024-ს ჩემპიონმა. 

ნაჩომ მთელი საკლუბო კარიერა მადრიდის რეალში გაატარა, გასულ ზაფხულს კი საუდის არაბეთის კლუბ ალ ქადსიაში გადავიდა.