ოფიციალურად: რედ ბულისა და პერესის გზები გაიყარა

ერთად გატარებული 4 სეზონის შემდეგ ოფიციალურად, რედ ბულისა და სერხიო პერესის გზები ურთიერთშეთანხმების საფუძველზე იყრება.

ამ პერიოდის განმავლობაში ჩეკომ 5 რბოლაში გაიმარჯვა, 29-ჯერ მოხვდა პოდიუმზე და 3-ჯერ მოიპოვა პოულ პოზიცია, გუნდთან ერთად კი 2-ჯერ მოიგო კონსტრუქტორთა მსოფლიო ჩემპიონატი.

"საოცრად მადლიერი ვარ გასული 4 წლის გამო რედ ბულთან ერთად, რომ მომეცა შესაძლებლობა ასეთ საოცარ გუნდში ვყოფილიყავი. რედ ბულისთვის რბოლა დაუვიწყარი გამოცდილება იყო და ყოველთვის ვიამაღებ იმ წარმატებით, რასაც ერთად მივაღწიეთ. ჩვენ მოვხსენით რეკორდები, დავაფიქსირეთ უდიდესი მიღწევები და მქონდა პრივილეგია, ამ გზაზე შევხვედროდი ბევრ საოცარ ადამიანს.

დიდი მადლობა ყველა ადამიანს გუნდის მენეჯმენტიდან, ინჟინრებიდან, მექანიკოსებიდან, მზარეულებიდან, მარკეტინგიდან და კომუნიკაციის გუნდიდან. ყველაფერ საუკეთესოს გისურვებთ მომავალში.

ასევე პატივი იყო მაქსის (ვერსტაპენი) თანაგუნდელობა ამ წლების განმავლობაში და მასთან ერთად ჩვენი წარმატების გაზიარება.

განსაკუთრებული მადლობა გულშემატკივრებს მსოფლიოს გარშემო და განსაკუთრებით მექსიკელებს თქვენი საოცარი მხარდაჭერისთვის ყოველდღე. მალე ისევ შევხვდებით.

და დაიმახსოვრეთ... არასდროს დანებდეთ!" - წერს მექსიკელი მრბოლელი გამოსამშვიდობებელ წერილში.