ოფიციალურად: ცარუკიანის შემცვლელის ვინაობა ცნობილია

ცნობილი გახდა UFC 311-ის მთავარ ბრძოლაში ისლამ მახაჩევის მეტოქე.

მას შემდეგ, რაც ბრძოლიდან ტრავმის გამო არმან ცარუკიანი ჩაიხსნა, UFC-ს პრეზიდენტმა, დანა უაითმა ოფიციალურად დაადასტურა, რომ მახაჩევს 19 ივნისს გამთენიისას ბრაზილიელი მებრძოლი, რენატო მოიკანო დაუპირისპირდება.

35 წლის მებრძოლს პროფესიონალურ კარიერაში 25 ბრძოლა აქვს ჩატარებული (20 გამარჯვება, 5 მარცხი), უკანასკნელი დაპირისპირება მან 2024 წლის სექტემბერში სენტ დენის ბენუასთან გამართა და ტექნიკური ნოკაუტით მოიგო.

UFC-ში მას ზედიზედ ოთხი ბრძოლა აქვს მოგებული. ამ ივენთზე მოიკანოს ამერიკელი ბენილ დარიუშის წინააღმდეგ უნდა ებრძოლა, თუმცა ცარუკიანის ჩახსნის შემდეგ, ბრაზილიელს სატიტულო ბრძოლა მისცეს.