პედრო პორო: "რეალის ინტერესი? ჩემთვის ეს კომპლიმენტია"

ტოტენჰემის ესპანელი მარჯვენა მცველი, პედრო პორო, მადრიდის რეალის მხრიდან ინტერესზე გავრცელებულ ინფორმაციას გამოეხმაურა.

„ინტერესი რეალის მხრიდან? მეგობარმა გამომიგზავნა ეს ინფო, რაც ჩემთვის კომპლიმენტია... თუმცა, ამ ეტაპზე სპურსზე და ეროვნულ ნაკრებზე ვარ კონცენტრირებული.

ეს აჩვენებს იმას, რომ მე ჩემს საქმეს კარგად ვასრულებ, თუ მსოფლიოს ერთ-ერთი საუკეთესო კლუბი მაქცევს ყურადღებას." - აღნიშნა პორომ.

ცნობისთვის, რეალი მარჯვენა მცველის პოზიციის გაძლიერებას გეგმავს და ვარიანტებს შორის ტრენტ ალექსანდრ არნოლდს და სწორედ პედრო პოროს მოიაზრებს.