პოგბა ლიგა 1-ს გუნდთან აწარმოებს მოლაპარაკებებს

გამოცემა NCI Television-ის ჟურნალისტის, მალიკ ტრაორეს ინფორმაციით, პოლ პოგბა მარსელთან აწარმოებს მოლაპარაკებებს.

როგორც იცით, ფეხბურთელს დოპინგ-ტესტზე ჩავარდნის გამო მისჯილი 4-წლიანი ბანი 18-თვიანით ჩაუნაცვლეს. ეს კი იმას ნიშნავს, რომ ფრანგი ვარჯიშის განახლებას იანვრიდან, მოედანზე დაბრუნებას კი მარტიდან შეძლებს.

მიუხედავად ამისა, პოგბა იუვენტუსის გეგმებში არ შედის და უდიდესი ალბათობით, უახლოეს პერიოდში კლუბთან კონტრაქტს ორმხრივი შეთანხმების საფუძველზე გაწყვეტს.

როგორც მალიკ ტრაორე იტყობინება, პოგბასთან ტრანსფერზე მოლაპარაკებებს ფრანგული მარსელი აწარმოებს და არ არის გამორიცხული, ნახევარმცველი მარტიდან სწორედ ამ გუნდის მაისურით ვიხილოთ.

პოლ პოგბა მან იუნაიტედის აღზრდილია და სამშობლოს კლუბში აქამდე ნათამაშები არ აქვს.