სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
-
Aa
+
ფონტის ზომა
მორიგი საფეხბურთო დღე ტოპ-ჩემპიონატებიდან არაერთ კარგ თამაშს გვპირდება.
პრემიერ ლიგა
15:30 კრისტალ პალასი - ლივერპული
არნე სლოტის გუნდი 15 ქულით ცხრილს ერთპიროვნულად ლიდერობს და სანაკრებო პაუზაზე გამარჯვებით გასვლას შეეცდება. ნიდერლანდელი სპეციალისტის ხელმძღვანელობით მერსისაიდელებმა ამ დრომდე 18 შესაძლოდან მხოლოდ 3 ქულა დაკარგეს. თავის მხრივ, კრისტალ პალასს რთული დრო უდგას, გუნდი 6 ტურის შემდეგ მოუგებელია (3 მარცხი, 3 ფრე), რის გამოც 3 ქულით გასავარდნ ზონაში იმყოფება.
18:00 არსენალი - საუთჰემპტონი
მიკელ არტეტას გუნდი პრემიერ ლიგაში ამ დროუმდე წაუგებელია - 4 გამარჯვება, 2 ფრე. 14 ქულით მერსისაიდელები მე-3 ადგილს იკავებენ და ლიდერ ლივერპულს ერთი ქულით ჩამორჩებიან, ისევე, როგორც მან სიტი. თავის მხრივ, საუთჰემპტონმა 6 მატჩიდან 5 წააგო და მხოლოდ ერთ ქულას მოუყარა თავი.
18:00 მან სიტი - ფულემი
ინგლისის მოქმედი ჩემპიონი მან სიტი საკუთარ კედლებში კარგ ფორმაში მყოფ ფულემს დაუპირისპირდება. სიტი 14 ქულით მე-2 ადგილს იკავებს, ფულემს კი 6 მატჩში 3 გამარჯვება, 2 ფრე და მხოლოდ 1 მარცხი აქვს, რის დამსახურებითაც ცხრილში 11 ქულით მე-6 პოზიციას იკავებს. ერთი შეხედვით სიტისთვის მარტივი თამაში არ უნდა გამოვიდეს, თუმცა ეტიჰადზე გასვლა ყოველთვის დიდი გამოცდაა.
ბუნდესლიგა
17:30 ლევერკუზენი - ჰოლშტაინ კილი
გერმანიის მოქმედმა ჩემპიონმა ბუნდესლიგა თავისი შარშანდელი სტანდარტებისთვის სუსტად დაიწყო და ქულების დაკარგვა უკვე ორჯერ მოასწრო, მათ შორის ერთხელ - სულაც წააგო. ბოლო ტურში გუნდმა ალიანც არენადან ქულა წამოიღო, დღეს კი ტურნირის ახალწვეულს და 1-ქულიან ჰოლშტაინ კილს წესით ყველანაირი პრობლემის გარეშე და ბევრი გოლის გატანით უნდა სძლიოს.
17:30 უნიონ ბერლინი - დორტმუნდი
ნური შაჰინის დორტმუნდს 5 მატჩში 3 გამრარჯვება, 1 ფრე და 1 მარცხი და იმდენივე ქულა აქვს, რამდენიც მოქმედ ჩემპიონ ლევერკუზენს (10), უნიონ ბერლინი 8 ქულით მე-9 პოზიციას იკავებს და ამ სეზონში სახლში ჯერ არ წაუგია - 2 მატჩი, 2 გამარჯვება.
ლა ლიგა
23:00 რეალი - ვილიარეალი
პრიმერა დივიზიონის მე-2 და მე-3 ადგილოსანი გუნდების დაპირისპირება. კარლო ანჩელოტის შეგირდები ჯერჯერობით ვერ ამართლებენ მასზე დამყარებულ იმედებს და ვერ თამაშობენ იმ ფეხბურთს, რასაც ხალხი ელოდა. შუა კვირაში მადრიდელებმა ჩემპიონთა ლიგაზე ლილთან წააგეს და იანვრის შემდეგ პირველი მარცხი იწვნიეს. წინა ტურში, ატლეტიკოსთან მატჩში, ვანდადან წამოღებული 1 ქულით რეალმა ბარსელონასთან ჩამორჩენა 3 ქულამდე შეამცირა.
რაც შეეხება ვილიარეალს, გუნდმა სეზონი დაუჯერებლად კარგად დაიწყო და ამ დრომდე თავისი ერთადერთი მარცხი მხოლოდ ბარსელონასთან იწვნია. 8 მატჩში 5 მოგებით, ფრით და 1 მარცხით ყვითელი წყალქვეშა ნავი მე-3 ადგილს იკავებს და რეალს მხოლოდ 1 ქულით ჩამორჩება. მარსელინოს გუნდი როგორც ბევრს იტანს, ისე ბევრს უშვებს - 17 გატანილი და 15 გაშვებული გოლი 8 მატჩში სწორედ ამას მოწმობს. ამიტომ, სანტიაგო ბერნაბეუზე უხვგოლიან სანახაობას ველოდებით.
სერია ა
22:45 ინტერი - ტორინო
იტალიის მოქმედი ჩემპიონი სეზონს ნაკლებად დამაჯერებლად იწყებს - მოქმედი ლიდერი ნაპოლი მილანელებს 5 ქულით უსწრებს, თუმცა ინტერს დღეს ამ სხვაობის 2 ქულამდე შემცირება შეუძლია. თუმცა, მარტივი არ იქნება - ტორინო იმავე 11 ქულით, რაც ინტერს აქვს, მე-5 ადგილს იკავებს და სეზონის ამ დრომდე ერთადერთი მარცხი მხოლოდ ბოლო ტურში, ლაციოსთან იგემა.
ლიგა 1
19:00 სენტ ეტიენი - ოსერი
ზურიკო დავითაშვილის სენტ ეტიენმა, რომელიც ლიგა 1-ს ახალწვეულია, სეზონი ძალიან ცუდად დაიწყო - 6 მატჩში გუნდმა მხოლოდ 1 მატჩის მოგება შეძლო და ფრეც ერთხელ ითამაშა. თავად ზურიკო კი ჯერჯერობით მხოლოდ საგოლე პასებით შემოიფარგლება და ლიგა 1-ში თავისი სადებიუტო გოლის მოლოდინშია. ოსერს რაც შეეხება, გუნდი 2 გამარჯვებით და 6 ქულით მე-12 პოზიციას იკავებს და დღევანდელი მატჩის ფავორიტადაც მოიაზრება.
ნ
ნიკა შაქარაშვილი
კომენტარები