ქართველმა ჩოგბურთელებმა ავსტრალიური კვალიფიკაციის პირველი ეტაპი გაიარეს

ავსტრალიის ღია პირველობის კვალიფიკაციაზე თავიანთი პირველი მატჩები გამართეს ქართველმა ჩოგბურთელებმა.

მარიამ ბოლქვაძემ (213-ე რეიტინგში) ხორვატი ანტონია რუზიჩი (154-ე) სამ სეტში (3-6. 6-3, 6-3) დაამარცხა და შემდეგ ეტაპზე გავიდა, სადაც ფრანგ სელენა იანიციევიჩს (188-ე)  შეხვდება. 

ნიკოლოზ ბასილაშვილმა (210-ე) კი ავსტრალიელ კრუზ ჰიუიტს (1263-ე) მარტივად ორ სეტში სძლია (6-1, 6-4) და მომდევნო ეტაპზე რუს ალიბერ კაჩმაზოვს (197-ე) დაუპირისპირდება.

მოთამაშეებმა ჯამში 3-3 ეტაპი უნდა გაიარონ, რომ ავსტრალიის ღია პირველობის ძირითად ბადეში მოხვდნენ.

ძირითადი ეტაპი სტარტს 12 იანვარს აიღებს და 26 იანვრამდე გაგრძელდება.