ყველაზე ცუდი ვარაუდი გამართლდა - კარვახალისთვის სეზონი დასრულებულია

მადრიდის რეალის მარჯვენა მცველმა, დანი კარვახალმა, უმძიმესი ტრავმა მიიღო.

ვილიარეალთან გუშინდელ შეხვედრაში ფეხბურთელმა მუხლი დაიზიანა და როგორც გამოკვლევამ დაადგინა, ჯვარედინი მყესები აქვს გაწყვეტილი. 

ესპანური პრესის ცნობით, რეალის ყველაზე ცუდი ვარაუდი გამართლდა - მყესების გაწყვეტის გარდა, მას ორმაგი მოტეხილობაც აღენიშნება.

ეს კი იმას ნიშნავს, რომ კარვახალისთვის მიმდინარე სეზონი პრაქტიკულად დამთავრებულია, ფეხბურთელს 8-10 თვე გაუცდება და საუკეთესო შემთხვევაში ის სეზონის ბოლო რამდენიმე მატჩისთვის, ან მსოფლიო საკლუბო ჩემპიონატისთვის იქნება მზად, რომელიც 15 ივლისს იწყება.