"რეალი ჩემზე დიდ ზეწოლას ახდენდა, მათი ქცევით იმედგაცრუებული ვარ", - France Football-ის მთავარი რედაქტორი

France Football-ის მთავარმა რედაქტორმა რეალის ქცევის გამო იმედგაცრუება გამოთქვა.

„ჩემზე რეალი დიდ ზეწოლას ახდენდა, მაგრამ როგორც ეს სხვა კლუბების დროს ხდება, კონკრეტული და გულწრფელი ვიყავი და შესაძლოა, ჩემმა სიჩუმემ ისინი გააბრაზა.

მათთანაც ისევე ვიქცეოდი, როგორც სხვებთან. უსიამოვნოდ გაკვირვებული ვიყავი მათი დელეგაციის ქცევით." - აღნიშნა ვინსენტ გარსიამ L'Equipe-სთან ინტერვიუში.

შეგახსენებთ, რომ რეალს პარიზში ფრენა ჰქონდა დაგეგმილი, თუმცა მას შემდეგ, რაც შეიტყვეს, რომ პრიზს ვინი არ მოიგებს, კლუბმა ცერემონიალზე დასწრებაზე უარი თქვა.