რონალდუ: "დღევანდელი მანჩესტერ იუნაიტედი აკვარიუმივით არის"

კრიშტიანუ რონალდუმ ამჟამინდელი მანჩესტერ იუნაიტედი აკვარიუმს შეადარა.

„პრემიერ ლიგა მსოფლიოში ყველაზე რთულია, ყველა გუნდი ძლიერია, ყველა იბრძვის, ყველა ფეხბურთელი ტოპ დონის არის. ფეხბურთი შეიცვალა, ადვილი თამაშები აღარ არსებობს.

ამაზე წელიწადნახევრის წინაც ვილაპარაკე და ახლაც ვიტყვი: პრობლემა მწვრთნელებში არ არის.

სულ ასეთი მაგალითი მომყავს: ამჟამინდელი მანჩესტერი აკვარიუმივით არის. თუ მასში ცურავს ავადმყოფი თევზი, მას ამოიყვან, უმკურნალებ და უკან ჩააბრუნებ - ის ისევ დაავადდება. პრობლემა მწვრთნელებზე გაცილებით დიდია.

100%-ით დარწმუნებული ვარ, რომ ეს პრობლემა ჯერ მოგვარებული არ არის. თუ კლუბის მფლობელი გავხდები, გავასწორებ იმ ყველაფერს, რაც ახლა ცუდად არის." - აღნიშნა კრიშტიანუმ.