რონალდუს მოსვლის შემდეგ, ალ ნასრს ალ ჰილალი ოფიციალურ მატჩში დღემდე არ დაუმარცხებია

კრიშტიანუ რონალდუს ალ ნასრმა ჩემპიონატის ლიდერ ალ ჰილალთან ფრე - 1:1 ითამაშა.

მოქმედმა ჩემპიონმა მიმდინარე სეზონში პირველად დაკარგა ქულები - გუნდს აქამდე 8-დან 8 მოგება ჰქონდა, ამ მატჩის შემდეგ კი ცხრილს 25 ქულით უდგას სათავეში.

გუნდში კრიშტიანუ რონალდუს მოსვლის შემდეგ, ალ ნასრმა ალ ჰილალი ვერცერთ მატჩში ვერ დაამარცხა - გუნდებს შორის 7 ოფიციალური შეხვედრა გაიმართა, რომელიც 5 ალ ჰილალმა მოიგო, 2 კი ფრედ დასრულდა. ამ მატჩებში რონალდუმ 1 გოლი და 1 ასისტი მიითვალა.

ერთადერთი გამარჯვება ალ ნასრმა ამხანაგურ ტურნირზე მოიპოვა, როცა კაცნაკლული 0:1-ს აგებდა, თუმცა რონალდუმ დუბლი მიითვალა და 2:1 მოაგებინა.