შეთანხმება შედგა - ომარ მარმუში სიტიში ითამაშებს

მან სიტიმ აინტრახტ ფრანკფურტთან ეგვიპტელი ფორვარდის, ომარ მარმუშის ტრანსფერი შეათანხმა.

ფაბრიციო რომანოს ინფორმაციით, კლუბებს შორის სრული შეთანხმება შედგა და აინტრახტის საუკეთესო ბომბარდირი კარიერას ეტიჰადზე გააგრძელებს.

ქალაქელებთან მარმუში 5-წლიან კონტრაქტს გააფორმებს.

იწერებოდა, რომ ფრანკფურტელები თავისი ლიდერის სანაცვლოდ 80 მილიონ ევროს ითხოვდნენ. ზუსტი ციფრები არ სახელდება, თუმცა სიტიმ ფეხბურთელში დაახლოებით 70 მილიონი ევრო გადაიხადა. 

16 გოლით ეგვიპტელი ბუნდესლიგის მეორე საუკეთესო ბომბარდირია და ჰარი კეინს მხოლოდ 1 გოლით ჩამორჩება.