შეთანხმება შედგა - პელისტრი საბერძნეთში მიდის

იტალიელი ჟურნალისტის ფაბრიციო რომანოს ინფორმაციით, მხარეებს შორის შეთანხმება შედგა და ფაკუნდო პელისტრი კარიერას პანათინაიკოსში გააგრძელებს.

მანჩესტერ იუნაიტედი ბერძნული კლუბისგან 6 მილიონ ევროს მიიღებს. წითელი ეშმაკები ურუგვაელის მომდევნო ტრანსფერიდან სარგებელს მიიღებენ.

პელისტრი პანათინაიკოსთან გრძელვადიან კონტრაქტს გააფორმებს. ტრანსფერის ერთ-ერთი გადამწყვეტი ფაქტორი, ბერძნული გუნდის ურუგვაელი მთავარი მწვრთნელი დიეგო ალონსო აღმოჩნდა.

პელისტრი იუნაიტედს 2020 წელს პენიაროლიდან შეუერთდა, მას შემდეგ კი იჯარის წესით ალავესსა და გრანადაში ითამაშა, მისი მანჩესტერული კარიერა კი არ აეწყო.

22 წლის შემტევს ურუგვაის ნაკრებში 26 მატჩი აქვს ჩატარებული.