შეთანხმება ვერ ხერხდება - ვან დაიკი ლივერპულის შეთავაზებით იმედგაცრუებულია

ვირჯილ ვან დაიკს ლივერპულთან კონტრაქტი სეზონის ბოლოს ეწურება.

The Athletic-ის ინფორმაციით, კლუბმა გუნდის კაპიტანს ახალი ხელშეკრულება ოფიციალურად შესთავაზა. მიუხედავად ამისა, მხარეები შეთანხმების მიღწევისგან შორს არიან.

როგორც წყარო ამბობს, ლივერპულის მიერ შეთავაზებული კონტრაქტი საკმაოდ შორს არის იმისგან, რასაც თავად ფეხბურთელი ითხოვს და ელოდება.

იმ შემთხვევაში, თუ მხარეები ვერ შეთანხმდებიან, ზაფხულში ნიდერლანდელს გუნდის დატოვება სრულიად უფასოდ შეეძლება.