სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
6 დღის წინ · 0 წთ წასაკითხად
-
Aa
+
ფონტის ზომა
ლა ლიგის მე-8 ტურის ცენტრალურ მატჩში მადრიდული დერბი გაიმართა. ატლეტიკომ ვანდა მეტროპოლიტანოზე რეალი მიიღო.
შეხვედრის პირველი ტაიმი უგოლოდ დასრულდა, მეორე ნახევარში კი მოვლენები საკმაოდ დაძაბულად განვითარდა.
64-ე წუთზე ანგარიში ედერ მილიტაომ გახსნა, რომლის შემდეგაც ტიბო კურტუამ ატლეტიკოს გულშემატკივრების ტრიბუნასთან გოლი აღნიშნა, ამას კი ტრიბუნიდან ფანების მხრიდან ნივთების სროლა მოყვა ბელგიელის მიმართულებით.
მოგეხსენებათ, კურტუა ატლეტიკოშიც თამაშობდა, რეალში გადასვლის შემდეგ კი ის როხიბლანკოს მხარდამჭერებმა აითვალწუნეს, დღეს კი მისი მიმართულებით ნივთების სროლასაც არ მოერიდნენ.
გულშემატკივართა დაწყნარებას მოთამაშეები - კოკე, ხიმენესი და თავად დიეგო სიმეონეც ცდილობდა, თუმცა უშედეგოდ. თამაში დაახლოებით 20 წუთის განმავლობაში შეწყდა და ფეხბურთელებს მოედნის დატოვებაც მოუწიათ.
საბოლოოდ თამაში განახლდა. 95-ე წუთზე ანხელ კორეამ ანგარიში გაათანაბრა და შეხვედრაში წონასწორობა აღადგინა. ყველაფერი ამით არ დამთავრებულა, 99-ე წუთზე მარკოს ლორენტემ ფრან გარსიასთან უხეში თამაშის გამო პირდაპირ წითელი ბარათი დაიმსახურა და ატლეტიკოს მატჩის დამთავრება 10 კაცით მოუწია.
გიჟურ დერბიში გუნდებმა თითო ქულა მოიპოვეს. რეალი 8 ტურის შემდეგ სატურნირო ცხრილში 18 ქულით მე-2 ადგილზეა და ბარსელონას 3 ქულით ჩამორჩება, სიმეონეს გუნდი კი 16 ქულით მე-3 პოზიციაზეა.
თ
თაზო ჩარკვიანი
კომენტარები