შვიდგოლიანი დერბი - ჩელსიმ ტოტენჰემს 0:2-დან მოუგო

პრემიერ ლიგის მე-15 ტურის ცენტრალურ მატჩში ჩელსიმ სტუმრად ტოტენჰემი დაამარცხა.

შეხვედრა ტოტენჰემ ჰოთსპურ სტედიუმზე გაიმართა და სტუმართა გამარჯვებით 3:4 დასრულდა.

მე-11 წუთისთვის სოლანკეს და კულუშევსკის გოლებით ტოტენჰემი 2:0-ს იგებდა, თუმცა შემდეგ ჩელსიმ 4 გოლის გატანა შეძლო - თავი სანჩომ, ენცო ფერნანდესმა და კოულ პალმერმა (დუბლი, ორივე პენალტით) გამოიჩინეს და მარესკას გუნდს კომფორტული უპირატესობა გაუნაღდეს.

90+6 წუთზე სონმა ერთი ბურთი გაქვითა, თუმცა ტოტენჰემს ქულის გადასარჩენად ეს არ ეყო.

პოსტეკოგლუს გუნდმა ზედიზედ მე-3 მატჩი ვერ მოიგო და 20 ქულით მე-11 ადგილს იკავებს, ჩელსიმ კი ზედიზედ მე-4 გამარჯვება მოიპოვა და 31 ქულით უპირობო მეორე ადგილზე გადაინაცვლა, მას შემდეგ, რაც არსენალს ფულემთან (1:1) ფეხი დაუცდა.