სლოვანი ვანდა მეტროპოლიტანოზე დამარცხდა

უეფას ჩემპიონთა ლიგის მე-6 ტურში სლოვან ბრატისლავა ვანდა მეტროპოლიტანოზე მადრიდის ატლეტიკოს ეწვია. სასტარტო შემადგენლობაში იყო გურამ კაშია, რომელმაც მატჩი სრულად ჩაატარა.

შეხვედრაში ანგარიში მე-16 წუთზე ხულიან ალვარესმა გახსნა. 42-ე წუთზე სხვაობა ორამდე ანტუან გრიზმანმა გაზარდა.

ფრანგმა ფეხბურთელმა თავური დარტყმით გაიტანა გოლი და საჰაერო ორთაბრძოლა სწორედ ქართველ მცველს მოუგო. პირველი ტაიმი მასპინძელთა გამარჯვებით 2-0 დასრულდა.

51-ე წუთზე ატლეტიკოს კარში პენალტი დაინიშნა, რომელიც დავიდ სტრელეცმა შეასრულა ზუსტად, თუმცა აქედან 6 წუთში გრიზმანმა დუბლი შეასრულა და ორბურთიანი სხვაობა აღადგინა.

საბოლოოდ მატჩი 3-1 დასრულდა და სიმეონეს გუნდმა მორიგი 3 ქულა მოიპოვა. როხიბლანკოს 6 მატჩის შემდეგ 12 ქულა აქვს. სლოვანი კი 0 ქულით ცხრილის ფსკერზე რჩება.