სრულიად განახლებული ფლანგი - რეალი ორივე მარცხენა მცველის გაყიდვას აპირებს

მადრიდის რეალში ახალი სეზონიდან შესაძლოა სრულად განახლებული დაცვის მარცხენა ფლანგი ვიხილოთ.

El Larguero-ს ინფორმაციით, ალფონსო დევისის უფასოდ დამატების შემთხვევაში, კლუბი ფერლან მენდის და ფრან გარსიას გაყიდვას შეეცდება.

თუ ორივე ფეხბურთელის გასხვისება მოხერხდა, დევისის შემცვლელად კლუბი მიგელ გუტიერესს დაიბრუნებს, რომელიც ჟირონაში საკმაოდ წარმატებით ასპარეზობს და მისი დაბრუნება რეალს 8 მილიონ ევროდ შეეძლება.

შესაბამისად, 2025/26 სეზონში რეალის ძირითადი მარცხენა მცველი სავარაუდოდ ალფონსო დევისი იქნება, მისი შემცვლელის როლს კი გუტიერესი მოირგებს.