ვალენსიაში სტიქია მძვინვარებს! ვალენსია - რეალის მატჩი შესაძლოა გადაიდოს

ესპანეთის თასის ორი მატჩი სტიქიური ტრაგედიის გამო გადაიდო.

ესპანეთის დასავლეთით და სამხრეთით ამჟამად წყალდიდობა და ქარიშხალი სახელწოდებით "დანა" მძვინვარებს.

რამდენადაც ამ მომენტისთვის არის ცნობილი, სტიქიას 50-ზე მეტი ადამიანი შეეწირა.

ამის გამო ესპანეთის ფეხბურთის ფედერაციამ სამეფო თასის პირველი რაუნდის მატჩები გადადო, რომელშიც გიორგი მამარდაშვილის ვალენსიას პარალა ესკუელასთან უნდა ეთამაშა, გიორგი ქოჩორაშვილის ლევანტეს კი - პონტევედრასთან.

ჯერჯერობით უცნობია, ჩატარდება თუ არა 2 ნოემბრის მატჩი ვალენსია - რეალი, რომელსაც მესტალიამ უნდა უმასპინძლოს.