Copyright © 2023 Adjarabet Arena. All Rights Reserved.
8 თვის წინ · 0 წთ წასაკითხად
-
Aa
+
ფონტის ზომა
ავსტრალიის ღია პირველობა გადამწყვეტ ფაზაში შედის.
უკვე ცნობილია თუ ვინ შეხვდებიან ერთმანეთს ტურნირის 1/4 ფინალში.
მოქმედი ჩემპიონი ნოვაკ ჯოკოვიჩი ტეილორ ფრიცს დაუპირისპირდება. სერბმა 1/8 ფინალში ადრიან მანარინო მარტივად 3 სეტში დაამარცხა, ამერიკელმა კი სტეფანოს ციციპასი გამოთიშა ტურნირს.
იანიკ სინერი ანდრეი რუბლევს შეხვდება. იტალიელმა კარენ ხაჩანოვს სძლია 3-0, რუბლევმა კი 5-სეტიან ბრძოლაში დე მინორს მოუგო.
ბადის მეორე მხარეს ჰუბერტ ჰურკაჩი და დანილ მედვედევი გაარკვევენ 1/2 ფინალისტის ვინაობას. პოლონელმა წინა ეტაპზე ფრანგი კაზო დაამარცხა 3 სეტში, რუსმა ჩოგბურთელმა კი პორტუგალიელი ნუნუ ბორჟესი გამოთიშა ტურნირს.
5-სეტიანი ბრძოლა დასჭირდა კამერონ ნორისთან ალექსანდერ ზვერევს, რომელიც 1/4 ფინალში კარლოს ალკარასს შეხვდება. ესპანელმა თავის მხრივ სერბი კეჩმანოვიჩი მარტივად 3 სეტში დაამარცხა.
1/4 ფინალური ეტაპი სტარტს 23 იანვრის დილას აიღებს.
ტურნირის მოქმედი ჩემპიონი ნოვაკ ჯოკოვიჩია, რომელიც ტიტულის დაცვისთვის იბრძვის. სერბმა გასულ წელს ფინალში სტეფანოს ციციპასი დაამარცხა.
ავსტრალიის ღია პირველობა 28 იანვარს დასრულდება.
კომენტარები
US Open 2024 გადამწყვეტ ფაზაში შედის
ჩოგბურთი
ნადალი US Open-ს ჩაეხსნა
ჩოგბურთი