2022 წელს კლოპი სალაჰის შემცვლელად ანტონის მოიაზრებდა

ბრიტანული გამოცემა Mirror-ის ინფორმაციით, იურგენ კლოპი ორი წლის წინ ანტონის ტრანსფერს უმიზნებდა.

როგორც ირკვევა, გერმანელ სპეციალისტს იმდროისთვის აიაქსის შემტევის გუნდში მოყვანა მოჰამედ სალაჰის მომავალ შემცვლელად სურდა.

საბოლოოდ, ლივერპულმა ტრანსფერზე აიაქსის მიერ მოთხოვნილი თანხის გამო თქვა უარი, ანტონი კი მანჩესტერ იუნაიტედში გადავიდა და ამ გუნდში მასზე გაცემული ავანსები ვერ გაამართლა.

24 წლის ბრაზილიელმა ვინგერმა მანჩესტერის მაისურით ამ დრომდე გამართულ 87 მატჩში 12 გოლი და 5 საგოლე გადაცემა მიითვალა, ბრაზილიის ნაკრებში მას 16 მატჩი და 2 გოლი აქვს ანგარიშზე.