ამორიმი: "ვფიქრობ, რაშფორდი მართალია"

რუბენ ამორიმმა მარკუს რაშფორდის განცხადებაზე გააკეთა კომენტარი, რომელმაც ახალი გამოწვევისთვის მზადყოფნა გამოთქვა.

„ვფიქრობ, ის მართალია. აქ ჩვენთან ახლა ახალი გამოწვევაა, ყველაზე რთული გამოწვევა ფეხბურთში, იმიტომ რომ რთულ სიტუაციაში ვართ. ეს ახალი გამოწვევაა და იმედია, ჩემი ფეხბურთელები მისთვის მზად არიან.

მინდა გამარჯვებები მოვიპოვო და გუნდს გაუმჯობესებაში დავეხმარო. ამიტომ, მარკუსთან ერთად უკეთესეი უნდა გავხდეთ. სხვადასხვა ხერხებს მივმართოთ, რომ მარკუსი საუკეთესო დონეზე ავიყვანოთ, რომელიც მას წარსულში ნაჩვენები აქვს.

ამ კლუბს ასეთი დიდი ტალანტები სჭირდება და მარკუსი ნამდვილად არის ერთ-ერთი ასეთი.

ამიტომაც გვჭირდება, რომ მან ყველაზე მაღალ დონეზე ითამაშოს, ეს ჩემი ამოცანაა. მინდა, რაშფორდს დავეხმარო." - აღნიშნა პორტუგალიელმა.