ანჩელოტი: "რატომ შევუცვალე პოზიციები მბაპეს და ვინისიუსს?"

ლეგანესთან მატჩში კარლო ანჩელოტიმ ვინისიუსი ცენტრფორვარდად ათამაშა, კილიან მბაპე კი - მარცხენა ვინგერად.

თამაშის შემდეგ იტალიელმა ამ გადაწყვეტილების მიზეზი დაასახელა.

„მბაპე ფლანგზე თამაშობდა, ვინისიუსი კი ცენტრში. გუნდმა თამაში კარგად გააკონტროლა, ოსასუნასთან კარგი შეგრძნებები დაგვრჩა და დღესაც განვიმტკიცეთ ეს ყველაფერი.

ვინისიუსი ნაკრებიდან ახლახანს დაბრუნდა და ფლანგზე თამაში უფრო დამღლელია. ორივე ფეხბურთელმა დაკისრებულ მოვალეობას თავი კარგად გაართვა." - აღნიშნა ანჩელოტიმ.

მომდევნო მატჩს რეალი 27 ნოემბერს ენფილდზე, ლივერპულის წინააღმდეგ ჩაატარებს.