ანჩელოტი: "ვინისიუსის კრიტიკა? არავის არ უნდა დაავიწყდეს, რომ მან ორი ჩემპიონთა ლიგა მოგვაგებინა"

კარლო ანჩელოტიმ ვინისიუს ჯუნიორი კრიტიკისგან დაიცვა, რომელიც ბრაზილიელს ნაკრებში უსახური თამაშის გამო დაატყდა თავს.

„ვინისიუსის კრიტიკა? არავინ არ უნდა დაივიწყოს, რომ ვინისიუსი ორი ჩმეპიონთა ლიგის მოგებაში დაგვეხმარა.

ბრაზილიელების პრობლემა არა ინდივიდუალური, არამედ უფრო საერთოა, გუნდური.

ბრაზილიის ნაკრები ცუდად იმის გამო არ თამაშობს, რომ ვინისიუსი ვერ აჩვენებს ისეთ დონეს, როგორსაც რეალში." - ციტირებს ანჩელოტის სიტყვებს ფაბრიციო რომანო.