ბარსელონა პედრისთან მოლაპარაკებებს აწარმოებს

ბარსელონა პედრისთან ახალი კონტრაქტის თაობაზე აწარმოებს მოლაპარაკებებს.

ფაბრიციო რომანოს ინფორმაციით, მოლაპარაკებები კარგად მიმდინარეობს, ორივე მხარეს შეთანხმების მიღწევა სურს.

მორიგმა შეხვედრამ კვლავ დადებითად ჩაიარა, პედრი ბარსელონას პროექტის საკვანძო ფიგურად მოიაზრება და თუ გაუთვალისწინებელი არაფერი მოხდა, უახლოეს პერიოდში ესპანელი ახალ შეთანხმებას მოაწერს ხელს. 

მოქმედი ხელშეკრულება 21 წლის ფეხბურთელს 2026 წელს ეწურება.