ბევრი გოლი და დრამატული დასასრული - გუდისონ პარკმა მერსისაიდულ დერბის ისტორიაში უკანასკნელად უმასპინძლა

პრემიერ ლიგის გადადებული მე-15 ტურის მატჩში ევერტონმა სტადიონ გუდისონ პარკზე ლივერპულს ისტორიაში უკანასკნელად უმასპინძლა.

შეხვედრა, როგორც მერსისაიდულ დერბის ეკადრება, დაძაბული და უხვგოლიანი გამოდგა და ფრედ, 2:2 დასრულდა.

მე-11 წუთზე ბეტომ მოიესის გუნდი დააწინაურა, თუმცა 5 წუთში სალაჰის პასით ალექსის მაკ ალისტერმა შეძლო წონასწორობის აღდგენა.

73-ე წუთზე სალაჰმა ასისტენტობის შემდეგ გოლეადორის როლიც მოირგო და თავისი გუნდი წინ გაიყვანა. 

თითქოს, სლოტის გუნდი გამარჯვებისკენ მიდიოდა, თუმცა 90+8 წუთზე ჯეიმს ტარკოვსკიმ მატჩში მეორედ შეძლო წონასწორობის აღდგენა და ლივერპულს მნიშვნელოვანი ორი ქულა დააკარგვინა.

ასეთი გამოდგა ისტორიაში უკანასკნელი მერსისაიდული დერბი გუდისონ პარკზე - 2025/26 სეზონიდან ევერტონი ახალ სტადიონზე გადადის. 

ლივერპულმა 57 ქულა დააგროვა და მეორეადგილოსან არსენალს 7 ქულით უსწრებს, ევერტონი კი ოთხი მატჩია დაუმარცხებელია და 27 ქულით მე-15 ადგილს იკავებს.