ბონუჩი: "გვარდიოლას უარი ორჯერ ვუთხარი"

იუვენტუსის და იტალიის ნაკრების ექს-მცველმა, ლეონარდო ბონუჩიმ, რომელმაც კარიერა ამ ზაფხულს დაასრულა, აღიარა, რომ პეპ გვარდიოლას უარი ორჯერ უთხრა.

„გვარდიოლა თავისთან ორჯერ მეძახდა: 2016 და 2017 წლებში.

2016-ში იუვენტუსი არაფრით არ გამიშვებდა და გუნდში დარჩენით თავადაც ბენიერი ვიყავი.

2017-ში, როცა მილანში წავედი, მაშინ სიტიც მეძახდა, თუმცა იტალიაში მინდოდა დარჩენა, ჩემი შვილის ცნობილი ამბების გამო." - აღნიშნა ბონუჩიმ.

2016-2017 წლებში ბონუჩის შვილს ჯანმრთელობის პრობლემები აღმოუჩინეს, რის გამოც ფეხბურთელი ხშირად გუნდის ვარჯიშებსაც კი ტოვებდა.