სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
-
Aa
+
ფონტის ზომა
გერმანიის ბუნდესლიგის ახალი სეზონის გახსნით მატჩში ჩემპიონი ლევერკუზენი მიუნხენგლადბახს ეწვია.
სტუმრებმა უპირატესობა პირველივე ტაიმში მოიპოვეს. მე-12 წუთზე ულამაზესი შორეული გასროლით ანგარიში გრანიტ ჯაკამ გახსნა. 38-ე წუთზე ფლორიან ვირცმა უპირატესობა ორამდე გაზარდა.
მეორე ტაიმში მასპინძლებმა თამაშში დაბრუნება შეძლეს. 59-ე წუთზე ჯერ ნიკო ელვედიმ, 85-ე წუთზე კი ტიმ კლაინდინსტმა შეძლეს გოლების გატანა და ბორუსიამ ანგარიში გაათანაბრა, თუმცა გასული სეზონის გამოცდილებიდან გამომდინარე ლევერკუზენთან ეს არაფერს ნიშნავს.
მატჩს 10 წუთი დაემატა, რაც ჩაბი ალონსოს გუნდისთვის მოსაგებად საკმარისი აღმოჩნდა. 101-ე წუთზე ფლორიან ვირცმა პენალტი შეასრულა, რომელიც ვერ გამოიყენა, თუმცა დამატებაზე ბურთთან ისევ გერმანელი გაჩნდა და ბაიერს ბუნდესლიგის გახსნით შეხვედრაში 3 ქულა მოუტანა.
ამ შედეგით ლევერკუზენმა გერმანიის ჩემპიონატში წაუგებელი სერია 34 მატჩამდე გაზარდა. აღსანიშნავია, რომ გუნდმა გასული სეზონის დაწყებიდან ყველა ტურნირზე მეორე ტაიმის კომპენსირებულ დროში 12 გამთანაბრებელი ან წინ გამსვლელი გოლი გაიტანა.
"ამ სეზონში, გასულ სეზონში, ნებისმიერ სეზონში, ჩვენ არ ვნებდებით" - წერია კლუბის სოციალურ ქსელში.
ბუნდესლიგის მეორე ტურში ჩემპიონები ლაიფციგს უმასპინძლებენ. მატჩი 31 აგვისტოს გაიმართება.
თ
თაზო ჩარკვიანი
კომენტარები
კომანი ბაიერნიდან მიდის
ფეხბურთი